Беларускае аб'яднанне ў Швейцарыі Rotating Header Image

Сбор сродкаў на помнік Т. Касцюшку

Шаноўнае спадарства,

Tadevush Kastsyushka (statue draft)

Асацыяцыя беларусаў у Швейцарыі выступае з ініцыятывай

усталяваць у г. Залатурн помнік
Андрэю Тадэвушу Банавентуру Касцюшку

— нацыянальнаму герою Беларусі, Польшчы і ЗША, лідару нацыянальна-вызваленчага паўстання 1794 года ў Рэчы Паспалітай.

Тадэвуш Касцюшка — прадстаўнік старажытнага беларускага роду Касцюшкаў, ваенны інжынер і ваенны дзеяч Рэчы Паспалітай, удзельнік барацьбы Рэчы Паспалітай супраць акупацыі Расіі і Прусіі, а таксама ўдзельнік вайны за незалежнасць ад брытанскай кароны калоній у Паўночнай Амерыцы.

Касцюшка нарадзіўся 4 лютага 1746 года ў маёнтку Мерачоўшчына, Слонімскі павет (Рэч Паспалітая), памёр 15 кастрычніка 1817 у горадзе Залатурн (Швейцарыя).

Яго называюць чалавекам выдатных здольнасцяў і настойлівасці. Аднымі з галоўных якасцяў яго характару выдзяляюць волю і мэтанакіраванасць. Чалавек рэвалюцыйных поглядаў, ён імкнуўся садзейнічаць паляпшэнню становішча абяздоленых. Сялянаў, якія жылі на пакінутых яго землях у Польшчы, ён вызваліў, а ў сваім завяшчанні наказаў прадаць усю сваю нерухомую маёмасць і купіць на гэтыя грошы свабоду для чарнаскурых рабоў.

Памяць аб Тадэвушу Касцюшку шануецца па ўсім свеце: у Польшы (у Кракаве і ў Лодзі), у васьмі гарадах ЗША, у Менску і ў вёсцы Малыя Сяхновічы (Жабінкаўскі раён Брэсцкай вобласці).

У апошняй рэзідэнцыі Касцюшкі ў Залатурне размешчаны музей, прысвечаны яго жыццю і дзейнасці.

Асацыяцыя беларусаў у Швейцарыі просіць падтрымаць ініцыятыву ўсталявання помніка Касцюшку ў Залатурне.

Possible placement of Kastsyushka's monument

Дата адкрыцця

Урачыстае адкрыццё помніка адбудзецца 15 кастрычніка 2017, у дзень 200-гадовай гадавіны са дня смерці дзеяча.

Тэхнічныя дадзеныя помніка

Статуя з бронзы вагай 250 кг. Вышыня статуі — 2 метра. Статуя будзе размешчана на мармуровай падлозе вышынёй 30 см. Побач з помнікам будуць усталяваны інфармацыйныя шыльды на трох мовах (беларускай, нямецкай і польскай).

Месца ўсталявання

Швейцарыя, г. Залатурн (CH-4500 Solothurn), стары горад (канкрэтнае месца ўдакладняецца).

Уладальнік помніку

Помнік будзе належыць гарадскому муніцыпалітэту г. Залатурн, які выдзяляе месца для помніку і супрацоўнічае ў пытаннях усталявання і арганізацыі ўрачыстага адкрыцця.

Кошт праекту

Прыкладны кошт праекту складае 9000 швэйцарскіх франкаў, у які ўваходзіць матэрыял, праца скульптара, транспарціроўка і падрыхтоўка суправаджальных дакумантаў, усталяванне статуі, а таксама выдаткі на ўрачыстае адкрыццё помніка.

Як падтрымаць

Падтрымаць ініцыятыву можна пераводам грашовых сродкаў на адпаведныя рахункі Асацыяцыі беларусаў у Швейцарыі:

Assoziation der WeissrussInnen in der Schweiz
IBAN: CH10 0900 0000 6055 0578 2 (PostFinance)
PayPal: info@nullbelswiss.org

Вялікі дзякуй за вашу падтрымку!

Кантактная інфармацыя

info@nullbelswiss.org
+41 78 666 70 90

Каментыраваць

Ваш адрэс электроннай пошты не будзе апублікован. Паля, абавязковыя для запаўнення, адзначаны зорачкай.

This site uses Akismet to reduce spam. Learn how your comment data is processed.

  • Беларуская мова
  • Русский
  • Deutsch