Беларускае аб'яднанне ў Швейцарыі Rotating Header Image

Чалавек не ўзнікае так…

Вось ужо 23 раз у першую нядзелю верасня адзначаецца дзяржаўнае свята — Дзень беларускага пісьменства. Гэта дзень, калі мы аддаем даніну павагі працы нашых асветнікаў на ніве беларускага друкаванага слова, якое адным з першых з’явілася у славянскім свеце. Традыцыйна святкаванне ладзіцца ў гарадах — даўніх цэнтрах асветы і культуры.

Але ж не толькі ў Беларусі адзначаюць гэта свята. 3 верасня Асацыяцыя беларусаў у Швейцарыі сумесна з Амбасадай Рэспублікі Беларусь арганізавала на базе Амбасады дыктоўку па беларускай мове.

Чаму быў вызначаны такі, здаецца, строгі фармат для святкавання? Дыктоўка — гэта спосаб адчуць і «памацаць» мову, прапусціць яе праз сябе, быццам бы стварыць тэкст наноў. А абраны для дыктоўкі верш Рыгора Барадуліна «Чалавек не ўзнікае так» нібыта пракладае мосцік да нечага вельмі блізкага і свайго, нясе ў сабе мудрасць і цеплыню.

Дзень беларускага пісьменства — добрая нагода для нас, беларусаў, якія жывуць за мяжой, падтрымаць нашую еднасць, адчуць, што мы разам, зрабіць яшчэ адзін маленькі крок у захаванні нашай культуры.

Каментыраваць

Ваш адрэс электроннай пошты не будзе апублікован. Паля, абавязковыя для запаўнення, адзначаны зорачкай.

This site uses Akismet to reduce spam. Learn how your comment data is processed.

  • Беларуская мова
  • Русский
  • Deutsch